Monday, October 17, 2011

Zindagi badi ajeeb hai...

Sach kaha hai kisi ne zindagi badi ajeeb hai,
Jo lagta hai dur,asal mein wahi kareeb hai,
Kuch udahran hai chote chote jo baatein kehte badi hain,
Itni badi zindagi bhi, pal bhar ki maut k aage hath bandhey khadi hai..

Bachpan mei maa ne samjhaya paas dur ka fer tha,
jo nazar aye wo paas, jo na dikhe wo dur tha,
par jab dekha tab hua mujhe ye ehsaa hai,
chand jo nazar ata hai wo dur hai, or america paas hai..

Bado ne sikhlaya tha ek paath,daan do deen dukhiyare ko,
Ashish diya k tum samriddh ho or madad karo kismat k maare ki,
Bhagwn ne mujhpe kari kripa or har maah main vetan paati hu,
Jis bhikshuk ko bheekh main deti hu, usse aadhi rakam kamati hu..

Apni aap beeti bhi tumse aj yehi main kehti hu,
Iss bade se shehar k ek chote se ghar mei main rehti hu,
Ek mare hue ko bhi 6 gaz zameen to naseeb hoti hai,
Lekin in bade daftaron mein zinda logo ko bas, 4 by 4 ki jaga hi naseeb hoti hai.