Monday, July 01, 2013

Kahi..Ankahi!!


Zindagi ke baste mei ummeedon ki toffee hai,
Dard bhare ho fir bhi ek khushi kafi hai,
Sapno ke aangan mei khwahishon ke jhoole hai,
Kabhi muskaan to kabhi muh foole hai.

Barish ka paani hai, to kaagaz ki kashti hai,
Cheezein mehngi hai or zindagi sasti hai,
Daant ke cheente hai.. to pyar ki fuharein hai,
Tanhaiyon ke veerane hai, to sath ki bahar hai.

Yaaron ki mehfil hai, beete dino ke fasane hai,
Purani koi tees bhi hai, pehle pyar ke afsane hai,
Aansuon ke jharne hai, sapno ke baag hai,
Yaadein hai palkon par, naye arman rahe jaag hai.

Choti si kavita hai, bol bhi to meethe hai,
Kuch seedhe hi kehte hai, kuch matlab khud mei hi samete hai,
 Samjho to janoge, ye chede dil ke taar hai,
Na samjho to bhi inme chupa, apno ke liye pyar hai... :)